Ferramentas para a vida à intempérie

Muitas das deserçons do modo de vida atual, baseado no consumo sempre crescente de matérias primas e energia, na mobilidade permanente, na artificializaçom completa do meio e das relaçons, no individualismo e na dependência absoluta dos serviços públicos estatais e do mercado, vam além do ideológico e envolvem o físico. Vidas que se afastam do mito do progresso que representa a cidade e das cadeias do trabalho assalariado e voltam a habitar o rural. A produzir alimentos, vestidos, ferramentas ou recuperar saberes e práticas que involucram a gestom do próprio corpo e a saúde. Mas o processo nom é fácil. O movimento, como tal, ainda nom teceu suficientes redes económicas e de ajuda mútua como para garantir a subsistência, por isso é necessário criar novas ferramentas, como é a comercializaçom conjunta da produçom através de duas canles complementárias: as Rumboias locais e a Rumboia Central.

Estas ferramentas permitem manter o contacto com os espaços críticos do meio urbano, fornecê-los de umha produçom de qualidade e proximidade à margem do controlo do mercado capitalista e ir construíndo a necessária retaguarda que nos permita afrontar o colapso. Contribuem aliás, junto às subscriçons de pagamento, a manter economicamente a publicaçom da Fenda.

As Rumboias locais serám encontros locais de produtoras e consumidoras, destinados a fomentar a autosuficiência local. Por meio de unha plataforma web as produtoras ponhem à venda os seus produtos, e as consumidoras podem comprá-los diretamente. Umha vez à semana a Rumboia reune-se num local para se intercambiarem os produtos cara a cara. Entendemos que esta canle será especialmente útil para as produtoras de alimentos.

Para que se constitua uma Rumboia local numha cidade ou vila determinad será necessário que se anote um número mínimo de produtoras nessa localidade, assim que se queres ter um perto, anima a outras produtoras da zona a se apontarem!

A Rumboia Central é umha loja online para os produtos nom perecedeiros. Aquela produtora que deseje vender por internet, mas que nom sexa capaz de levantar toda a estrutura necessária (loja online, TPV, mensageiria...), pode empregar a Rumboia Central para facelo, encontrando aliás um bom escaparate e um público numeroso. Seja deixando os produtos em depósito, seja trabalhando baixo demanda, este será um bom médio para dar saída a produtos nom perecedeiros.

Polo momento estamos preparando a tecnología necessária para fazer funcionar esta ferramenta, mas podes ir-te anotando já no formulário que tés aqui abaixo.

Como exemplos de produtos que gostaríamos de oferecer nestes mercados: hortalizas, conservas, cosméticos, sementes autóctonas, livros, roupa artesanal, trebelhos de permacultura, etc.

Naturalmente para poder usar estas ferramentas a produtora tem guardar boas práticas no seu trabalho: respeito com o medio, compromisso social, produçom local, etc.

Vender com "A Fenda"
No mercado central, ou nos mercados efémeros.